قصيدة بعنوان:مجروح فوق جرح
النص:
بكتب حروفي واقوﻻ كلماتي واوزاني
مجروح زمان يا اخلة وهسع جرح تاني
مجروح ويوت ممكون ما قدر احكي البي
شايف ظﻻم الكون وفاقد كمان للضئ
تائيه في صحراء الهم فوق الهجير والصي
مكتوب عليا اكون في الدنيا وحداني
جرحي قديم بالحيل لكنو مابي يروح
جرح الجسم ببري بس الجرح في الروح
وغير القديم يا خئ الروح ملانة جروح
وانا عارف اقداري دايما معانداني
انا لي سته سنين ما ضقتة غير اﻵم
نجم السعد ما بان لا حتي في الاحلام
رفعت صحيفتي خلاص وجفت اﻻقﻻم
مسجون في جوف الهم مكتوب علي جاني
انا جرحي فوقو جروح دم الوريد نزفت
والذكرى في عقلي مالكاهو ما انحزفت
كل الهموم في الكون قدامي ما انصرفت
ما دايرة غير انو تتضاعف احزاني
جارية الدموع شلال وذايد علي الشوق
حنست قلبي كتيييير لكنو مابي يروق
قت ليهو اي سحاب سايق معاهو بروق
قال لي صواقعو كتيرة جاياني جاياني
غابت خلاص شمسي واظلم علي الكون
مرات اعرف الناس مرات اكون مجنون
اصبحت بين الكي والحلبة والكمون
بقيت خﻻص ذي قيس ضيعتة عنواني
يا ناس جروح الريد في داخلي انجرفت
حتى الهموم مني لو لحظة ما انحرفت
اصلو القدر مكتوب مهما الدموع زرفت
وكل العرفتو كمان دي القسمة مابياني
وكل العرفتو كمان الدنيا مابياني
.
.
.
#ودالمشايخي