حبر الشعر قرب يجف
حتي الكلام مصروف صرف
قلبي البدق قنب يرف
لو في ملاك لاقيت حرف
ست الحسان مين زيها
راقيه واصيله مجيهة
ست البنات في حيها
فيك الخصال ما بتتوصف
بتفارق الروح الجسد
دام الزواج بقا بينا سد
دام الملاك ما منو رد
بعدو النجوم بنعدا عد
اصلو القليب مليان سرف
كل ما اقوم بذكر ملاك
اصرخ واكورك مره عااااااك
اسكت وافكر في سواك
قلبي غيرك ما عرف
بيناتنا كم مرت سنين
لا ضل ضحى لا زول حنين
جازي الفؤاد بي سيف سنين
خلى النبض بعدك وقف
يا ملاك اقصد مناي
شايل ملامحك في جواي
دايما بدسك في غناي
شان الاسم ما يتعرف
لبس النقاب ضارى الوشي
بس من عيونك بختشي
عاشق ملاك ما برتشي
بس القلم غلبو الوصف
بيناتنا ياما طل غيم
مافيش دمس لا حتي نيم
من بعدو بترجى الكريم
من زاكرة الشوق تنحزف
.
.
.
#ودالمشايخي