جرح الريد

قصيدة بعنوان:جرح الريد

النص:
والله يا (محمود) افكارنا مختلفة
انا قلبي فوقو الدم بعد الفراق جفة
وانا اصلي ما بندم بعتبرو اتوفى
كان شفتو جاي علي انا باخد اللفه
وما بنسى اامن اموت وما اظن بلاو اشفى
وفي قلبي (يا محمود) بانيلو كم غرفة
وباهل دموع من دم ما اظن في زول زرفه
وحاسب نجوم الليل عينيا ما بتقفى
ما داير اشكي البي بس طالب الرأفة
انا جرحي لسع نئ لي الليلة ما جفه
من يوم فارقت ملاك لا ذاد وﻻ خفه
حاولت اعالجو كتير راقدبو مستشفى
لا صبغه ﻻ ديتول ﻻ كاس وﻻ سفة
جربت كي النار وخلافو كم وصفة
بس في النهاية لقيت ماف داعي للكلفة
وعرفت جرح الريد من يومو ما بشفى
وظاهر كمان في الزول ﻻ بروح وﻻ بخفى
حقو البريد بالجد ﻻ يخون وﻻ يجفى
انسى الجرح يا زول خلي المزاج يصفى
من اﻻلم دا خﻻص داير اخد الوقفة
اصلو القدر مكتوب ماف داعي للخفة
والدنيا بتعشم جاييها بي لهفة
تلقاها في مرات شايلاكا في كتفه
تديك تمل مافيش تمﻻك حنان و وفاء
وترجع تهينك يوووووت جاياكا ملتفة
ما تفهم الحاصل لا يوم تروق تصفى
تديكا بالشلوت ترميكا في طرفه
ومن بحور الهم تسقيكا كم رشفة
تغرق تموت تحتل يلقوكا في الضفة
ومهم بقيت عوام ما اظن تصل مرفئ
واختي البنات يا زول واتكفى بالعرفة
لكن (ملاكي) انا انسانة مختلفة
فيها الجمال والذوق والطيبة والعفة
وفيها الصفات اكوام بس حقو اتكفى
ولو جن بنات الكون قدامي مصطفة
قالولي بس اختار شان للعرس تلفه
خت البنات في كوم و(ملاك) دي في كفة
من غير (ملاكي) انا تحرم علي زفه
.
.
.
#ﻭﺩﺍﻟﻤﺸﺎﻳﺨﻲ