قصيدة بعنوان
انا ما جنيت انا بس حبيت
الشاعر الخزين الرشيد عثمان (ود المشايخي)
النص:
انا ما جنيت انا بس حبيت
حبيت والله بالجد حبيت
ويوم ناداني كمان بسراع لبيت
حباني كمان وانا ليهو هويت
كم كنت سعيد بيهو اتهنيت
عيشني احلام للدنيا نسيت
وفي قلبي كمان بانيلو البيت
ما كنت حاسب في اي توقيت
بيني وبينو ينقطع الخيط
واحلامنا تروح وينهدم البيت
يا حبيب فارقت خلاص ومشيت
لي رجعتك انت ياما استنيت
انا بس حبيت وتعبت شقيت
يا ناس حبيت ولي روحي ابيت
يا سحاب الهم من وين عبيت
وفي قلبي انا لي شن صبيت
لي دموع الدم يا ناس كبيت
ومن بعدو كتييييير ياما غبيت
لا اكلت شبع لا شربت رويت
لا قدرت امش لا قدرت حبيت
لا قدرت اسكت لا قدرت شكيت
كان كنت بضحك تلقاني بكيت
حت كل الناس قايلين جنيت
حاولت الجن في دربو سعيت
والله بصراحة كدا اتمنيت
فتشت عدييييييل لكن ما لقيت
كملتها نم مرات دوبيت
وحاذكركم ماتقولو نسيت
يا ناس الدنيا وناس البيت
انا لسه نصيييح انا ما جنيت
انا ما جنيت
انا بس حبيت
مع تحياتي:
الخزين الرشيد عثمان (ود المشايخي)